Monday, August 18, 2008

ಒಪ್ಪೊತ್ತು

(ಮಡಿ ಅಜ್ಜಿಯ ಒಪ್ಪೊತ್ತಿನ ಹಾಡು)

ಗೋದಿ ದೋಸೆಯ
ಮಾಡಿ ತಿನ್ನಿ,
ಅದು ಇಲ್ಲಾದಿದ್ದರೆ
ಕುಟ್ಟಿದವಲಕ್ಕಿ ತಿನ್ನಿ

ತುಪ್ಪವ ಹಾಕಲು
ಚೆನ್ನ
ಗಟ್ಟಿ ಮೊಸರಿದ್ದರದಕ್ಕಿನ್ನೂ
ಚೆನ್ನಾ...

Wednesday, August 13, 2008

ಚೌಪದ

(ಅಜ್ಜ ಹೇಳುತ್ತಿದ್ದ ಒಂದು ಹಾಡು)

ಚೌಪದವ ಚೌಪದವ
ನೀವೆಲ್ಲಾ ಕೇಳಿ..
ಕೇಳದಿದ್ದವರೆಲ್ಲ
ಹಾಳ್ ಬಾವಿ ಬೀಳಿ

ಸತ್ತ ಕಪ್ಪೆಯ ತಂದು
ಕಿವಿಗೆರಡು ಕಟ್ಟಿ
ಸತ್ತ ಹಾವನು ತಂದು
ಜನಿವಾರ ಹಾಕಿ
ಸತ್ತನೋ ಇದ್ದನೋ
ಒದ್ ಒದ್ದು ನೋಡಿ

ನಾರಯಣಾಯನಮೋ
ನಾರಾಯಣಾಯ
ನಾಭಿಕಮಲಕೆ ಶರಣು
ನಾರಾಯಣಾಯ.

ಆನೆ

(ಮಲೆನಾಡು ಪ್ರಾಂತ್ಯದವರೆಲ್ಲಾ ಕೇಳಿರಬಹುದಾದ ಜೋಗುಳ)

ಆನೆ ಬಂತೊಂದಾನೆ..
ಯಾವೂರಾನೆ..
ಸಿದ್ದಾಪುರದ್ ಆನೆ.
ಇಲ್ಲಿಗ್ಯಾಕೆ ಬಂತು..
ಹಾದಿ ತಪ್ಪಿ ಬಂತು..
ಬೀದಿ ತಪ್ಪಿ ಬಂತು..