ಗುಡುಗುಮ್ಮ

ಗುಡುಗುಮ್ಮ ಬಂದ
ಹೆಡಿಗೇ ತಂದ
ಅಕ್ಕಿ ಬೇಡಂತೆ
ಭತ್ತ ಬೇಡಂತೆ
ನಮ್ಮನೆ ಪಾಪುನೇ ಬೇಕಂತೆ...

ಆಚೆ ಮನೆ ಮಾಣಿ

ಆಚೆ ಮನೆ ಮಾಣಿಗೆ
ಮದ್ವೆ ವಯಸ್ಸು
ಬಂದೇ ಹೋತಡಾ
ಆಚೀಚೆ ಮನೆ
ಹೆಣ್ಣು ಹುಡ್ರುನ್ ನೋಡ್ಕ್ಯಂಡ್
ಕಣ್ ಕಣ್ ಬಿಡ್ತ್ನಡಾ

ಯಮ್ಮನೆ ಮಾಣಿ

ಯಮ್ಮನೆ ಮಾಣಿ ಸ್ಕೂಲೀಗ್ ಹೋಗ್ತ
ಅ ಆ ಬತ್ತಲ್ಲೆ
ತೋಟಕ್ ಹೋಗಿ ಬೀಡಿ ಸೇದ್ತ
ಯಾರಿಗೂ ಗೊತ್ತಿಲ್ಲೆ.

ಯಮ್ಮನೆ ಮಾಣಿ

ಯಮ್ಮನೆ ಮಾಣಿ ಸ್ಕೂಲೀಗ್ ಹೋಗ್ತ
ಅ ಆ ಬತ್ತಲ್ಲೆ
ತೋಟಕ್ ಹೋಗಿ ಬೀಡಿ ಸೇದ್ತ
ಯಾರಿಗೂ ಗೊತ್ತಿಲ್ಲೆ.

ಏಕಾದಶಿ

ಆಚೆ.. ಮನೆ ಸುಬ್ಬಮ್ಮಂಗೇಕಾದಶಿ
ಉಪವಾಸ
ಏನೋ ಸ್ವಲ್ಪ ತಿಂತಾರಂತೆ
ಉಪ್ಪಿಟ್ಟು ಅವಲಕ್ಕಿ ಪಾಯ್ಸ...

ಮಂಗನ ಮದುವೆ

(ಬಿಸಿಲು ಮಳೆ ಒಟ್ಟಿಗೆ ಬಂದಾಗ ಈ ಹಾಡು)

ಬಿಸಿಲು ಮಳೆ
ಮಂಗನ ಮದುವೆ
ಚೊರಾಟೆ ಚಕ್ಲಿ
ನಂಜುಳ್ಳೆ ಪಾಯ್ಸ
ಕಪ್ಪೆ ದಿಬ್ಣ

ಬೋಳುಮಂಡೆ

(ಚೌ(ಕ್ಷೌ)ರ ಮಾಡಿಸಿಕೊಂಡು ಬಂದವರಿಗಾಗಿ ಈ ಹಾಡು)

ಬೋಳುಮಂಡೆ
ಸಾಣೀಕಲ್ಲು
ಸೊಮಾರ ಒಪ್ಪೊತ್ತು

ಒಪ್ಪೊತ್ತು

(ಮಡಿ ಅಜ್ಜಿಯ ಒಪ್ಪೊತ್ತಿನ ಹಾಡು)

ಗೋದಿ ದೋಸೆಯ
ಮಾಡಿ ತಿನ್ನಿ,
ಅದು ಇಲ್ಲಾದಿದ್ದರೆ
ಕುಟ್ಟಿದವಲಕ್ಕಿ ತಿನ್ನಿ

ತುಪ್ಪವ ಹಾಕಲು
ಚೆನ್ನ
ಗಟ್ಟಿ ಮೊಸರಿದ್ದರದಕ್ಕಿನ್ನೂ
ಚೆನ್ನಾ...

ಚೌಪದ

(ಅಜ್ಜ ಹೇಳುತ್ತಿದ್ದ ಒಂದು ಹಾಡು)

ಚೌಪದವ ಚೌಪದವ
ನೀವೆಲ್ಲಾ ಕೇಳಿ..
ಕೇಳದಿದ್ದವರೆಲ್ಲ
ಹಾಳ್ ಬಾವಿ ಬೀಳಿ

ಸತ್ತ ಕಪ್ಪೆಯ ತಂದು
ಕಿವಿಗೆರಡು ಕಟ್ಟಿ
ಸತ್ತ ಹಾವನು ತಂದು
ಜನಿವಾರ ಹಾಕಿ
ಸತ್ತನೋ ಇದ್ದನೋ
ಒದ್ ಒದ್ದು ನೋಡಿ

ನಾರಯಣಾಯನಮೋ
ನಾರಾಯಣಾಯ
ನಾಭಿಕಮಲಕೆ ಶರಣು
ನಾರಾಯಣಾಯ.

ಆನೆ

(ಮಲೆನಾಡು ಪ್ರಾಂತ್ಯದವರೆಲ್ಲಾ ಕೇಳಿರಬಹುದಾದ ಜೋಗುಳ)

ಆನೆ ಬಂತೊಂದಾನೆ..
ಯಾವೂರಾನೆ..
ಸಿದ್ದಾಪುರದ್ ಆನೆ.
ಇಲ್ಲಿಗ್ಯಾಕೆ ಬಂತು..
ಹಾದಿ ತಪ್ಪಿ ಬಂತು..
ಬೀದಿ ತಪ್ಪಿ ಬಂತು..